DELIRANT ISTI ETWINNIENSES ROMANI!

Nos magistri gregem in Gmail conformabimus in quo omnia describentur exercitamenta et instituentur.

Plurimis instrumentis utemur, quae “eTwinning” nobis offert, ut omnes de omnibus inceptis certiores fiamus.

Ex lyceorum participantium numero modus operandi instituetur inter socios vel greges omnium gentium.

Omnibus sociis licebit monere et suadere in exercitiis proponendis. Est nobis in animo decena exercitia singulis annis academicis conficere: tabulam geographicam sociatam, pelliculam commendationis, ludum sociatum, quaestionum facilium ludum, rerum quarumlibet explicationem latinam, carmen hodiernum in Linguam Latinam conversum, agitationem Diei Latini in Twitter, “Carpe Diem” in pagina retiali Instagram, latinam sententiam quaerentes, praepositionum descriptionem...

Discipulos prorsus volumus exhortari, ut operam dent communem et sociatam.